Pilotët dhe asistentët e fluturimit të agjencisë ajrore gjermane Lufthansa kanë filluar sot grevën paralajmëruese njëditore. Greva u thirr nga sindikatat Cockpit dhe UFO.
Pilotët kërkojnë të marrin pensione më të larta nga kompania. Ekuipazhi i kabinës, i cili përballet me shkurtime të mundshme të vendeve të punës, po kërkon një plan social të dakordësuar kolektivisht.
Lufthansa i kritikon grevat paralajmëruese si një “përshkallëzim krejtësisht të panevojshëm”. Sipas shoqatës së aeroporteve ADV, mbi 400 fluturime janë anuluar, duke prekur afërsisht 70,000 pasagjerë.
