Një ngjarje e pazakontë është regjistruar në Gjermani, ku një adoleshent 15-vjeçar vodhi një autobus të qytetit vetëm për të çuar të dashurën e tij në shkollë.
Sipas mediave gjermane, rasti ka ndodhur në Wiesbaden. I riu, i cili natyrisht nuk posedon patentë shoferi, arriti të marrë një autobus duke përdorur një çelës master dhe u nis drejt së dashurës së tij.
Ai përshkoi rreth 150 kilometra me autobus, nga Mainz në landin Rheinland-Pfalz, deri në Karlsruhe në Baden-Württemberg, ku jeton e dashura e tij 14-vjeçare.
Policia e ndaloi të riun pikërisht në Karlsruhe, rreth 150 kilometra larg vendit ku ishte raportuar zhdukja e autobusit. Ai kishte marrë të dashurën për ta çuar në shkollë, në një gjest që për të dukej si një aventurë romantike.
Megjithatë, kjo aventurë pritet të ketë pasoja ligjore. Ndaj 15-vjeçarit janë ngritur akuza për vjedhje të mjetit dhe drejtim të automjetit pa patentë.
Fatmirësisht, gjatë gjithë udhëtimit nuk është raportuar asnjë i lënduar dhe asnjë dëmtim i autobusit.
