Vance akuzon Iranin për “terrorizëm ekonomik” në Hormuz teksa fuqizohet bllokada

Zëvendëspresidenti i Shteteve të Bashkuara të Amerikës, JD Vance, akuzon Iranin për “terrorizëm ekonomik” për shkak të bllokimit të mëhershëm të Ngushticës së Hormuzit gjatë luftës, raporton BBC.
“Epo, siç tregoi presidenti i Shteteve të Bashkuara, dy veta mund ta luajnë atë lojë”, thotë ai. “Nëse iranianët do të përpiqen të angazhohen në terrorizëm ekonomik… asnjë anije iraniane nuk do të dalë nga aty”.
Bllokada amerikane e porteve të Iranit ka hyrë në fuqi, duke nisur nga ora 16:00 të hënën, sipas presidentit Donald Trump.
Në një postim në rrjetet sociale, Trump ka paralajmëruar se çdo “anije e shpejtë sulmi” e Iranit që kapet duke u përpjekur t’i afrohet bllokadës “do të eliminohet menjëherë”
Më parë, kryetari i parlamentit të Iranit ka deklaruar se vendi nuk do të “dorëzohet para kërcënimeve” – nuk ka pasur asnjë përgjigje ndaj komenteve të fundit të presidentit Trump
Operacionet Tregtare Detare të Mbretërisë së Bashkuar (UKMTO) kanë njoftuar se anijet në zonë mund të hasin “prani ushtarake” dhe “procedura të së drejtës së vizitës gjatë kalimit”.
Ndërkohë bisedime të drejtpërdrejta ndërmjet zyrtarëve libanezë dhe izraelitë do të mbahen në SHBA më vonë gjatë ditës – negociatat e para të tilla ndër dekada.