Ceremonia do të mbahet në Kazermën “Adem Jashari”, në orën 15:00, në prani të përfaqësuesve të institucioneve shtetërore dhe drejtuesve të Ministrisë së Mbrojtjes dhe FSK-së.
Në Kazermën “Adem Jashari” në Prishtinë, sot do të mbahet ceremonia e betimit të rekrutëve të rinj të Forcës së Sigurisë së Kosovës (FSK), transmeton albinfo.ch.
Ceremonia është planifikuar të fillojë në orën 15:00, ndërsa pritet të marrë pjesë një numër i madh rekrutësh, të cilët do t’i bashkohen radhëve të FSK-së pas përfundimit të fazës përkatëse të përgatitjes.
Në këtë ngjarje pritet të jenë të pranishëm përfaqësues të lartë të institucioneve shtetërore, si dhe oficerë e nënoficerë të Ministrisë së Mbrojtjes dhe Forcës së Sigurisë së Kosovës.
Betimi shënon një moment të rëndësishëm në rrugëtimin e rekrutëve të rinj, të cilët zotohen për përmbushjen e detyrave dhe përgjegjësive në shërbim të vendit./kudoshqip