Disa persona kanë mbetur viktima pas një incidenti me armë zjarri që ndodhi të hënën në qytetin Stade, në landin gjerman Lower Saxony.
Sipas informacioneve paraprake nga policia, numri i saktë i viktimave nuk është bërë ende i ditur. Një zëdhënës i policisë konfirmoi për agjencinë e lajmeve AFP se një person i dyshuar është arrestuar në lidhje me ngjarjen.
Raportime të pakonfirmuara nga mediat sugjerojnë se të shtënat mund të kenë ndodhur në një qendër për të rinjtë. Ndërkohë, policia lokale ka bërë të ditur përmes rrjeteve sociale se një operacion i gjerë është duke u zhvilluar në zonën e rrugës Dankersstraße.
Autoritetet u kanë bërë thirrje banorëve dhe qytetarëve që të shmangin zonën dhe të ndjekin udhëzimet e forcave të rendit.
Hetimet për zbardhjen e plotë të rrethanave të ngjarjes janë në vijim.
