Numri i personave që jetojnë vetëm në Bavari ka shënuar një rritje të ndjeshme gjatë dekadave të fundit. Sipas të dhënave më të fundit, aktualisht në këtë land gjerman ka rreth 2.7 milionë familje me një person, ndërsa në qytetet e mëdha si Mynihu, Augsburgu dhe Nurembergu, çdo i dyti familjar është njëpersonësh.
Të dhënat e publikuara nga Zyra Shtetërore e Statistikave tregojnë se në vitin 2025, çdo i pesti banor i Bavarisë jeton vetëm – një nivel që përputhet me mesataren kombëtare në Gjermani.
Rritje e fortë ndër vite
Një krahasim historik tregon një ndryshim të madh: që nga viti 1965, numri total i familjeve në Bavari është rritur nga 3.4 milionë në 6.4 milionë në vitin 2025. Brenda kësaj periudhe, përqindja e familjeve me një person është rritur nga 23% në 41%.
Dallime mes gjinive dhe grupmoshave
Sipas analizës së mikrocensusit, në grupmoshën 25–30 vjeç, meshkujt jetojnë vetëm më shpesh se femrat. Ndërkohë, në moshat mbi 75 vjeç, situata ndryshon ndjeshëm: nga rreth 567 mijë persona që jetojnë vetëm, 75% janë gra. Ky fenomen lidhet kryesisht me jetëgjatësinë më të lartë të femrave.
Mynihu në krye të trendit
Si një nga qytetet më të mëdha dhe më të shtrenjta të Gjermanisë, Mynihu luan një rol kyç në këtë zhvillim, duke reflektuar ndryshimet sociale dhe ekonomike që po ndikojnë mënyrën e jetesës në gjithë vendin./HalloMünchen/
