J.D. Vance, Witkoff dhe Kushner takim me zyrtarët iranianë, zbulohet vendi ku do të mbahet samiti

Zëvendëspresidenti i SHBA-së, J.D. Vance, së bashku me të dërguarit e Presidentit Donald Trump, Steve Witkoff dhe Jared Kushner, pritet të zhvillojnë një takim këtë javë me zyrtarë iranianë në Islamabad të Pakistanit.
Mediat raportojnë se samiti do të mbahet pas një takimi mes Presidentit Trump dhe Shefit të Ushtrisë Pakistaneze, Gjeneral Asim Munir, duke sugjeruar koordinim të ngushtë ndërmjet palëve për çështje të sigurisë dhe diplomacisë rajonale.
Ky takim zhvillohet ndërsa ka kaluar një muaj nga fillimi i konfliktit midis Izraelit dhe SHBA-së kundër Iranit.
Presidenti Trump kishte njoftuar më parë një pauzë pesë-ditore në sulmet ndaj infrastrukturës energjetike iraniane, duke përmendur diskutime “pozitive dhe produktive” për një zgjidhje të mundshme.
Megjithatë, Teherani hodhi poshtë çdo negociatë dhe insistoi se dialogu nuk do të ndodhë derisa të arrihen objektivat ushtarake.