Certifikohen rezultatet e zgjedhjeve të 7 qershorit

Komisioni Qendror i Zgjedhjeve ka certifikuar rezultatet e zgjedhjeve të 7 qershorit.
Me nëntë vota për, KQZ e kaloi këtë pikë të rendit të ditës.
Në zgjedhjet e 7 qershorit, Lëvizja Vetëvendosje siguroi 53 ulëse në Kuvend me 47.13 për qind të votave.
Partia Demokratike e Kosovës doli e dyta me 22 ulëse apo 19.44 për qind.
Lidhja Demokratike e Kosovës ka marrë 18 ulëse me 16.69 për qind, ndërsa Aleanca për Ardhmërinë e Kosovës ka marrë shtatë ulëse me 6.74 për qind.
Kushtetuta parasheh që pas certifikimit, seanca konstituive duhet të mbahet brenda 30 ditësh.