Një mbrëmje e veçantë artistike në Berlin solli në qendër të vëmendjes artin shqiptar, duke e prezantuar atë në një nga skenat më të rëndësishme të artit bashkëkohor ndërkombëtar.
Koreografi dhe performuesi shqiptar Blenard Azizaj ishte pjesë kyçe e një projekti artistik të realizuar në bashkëpunim me artisten me famë botërore Marina Abramović. Ky bashkëpunim u zhvillua në kuadër të ekspozitës Balkan Erotic Epic – The Exhibition.
Në këtë projekt, Azizaj mbajti disa role të rëndësishme, duke u angazhuar si Drejtor i Koreografisë, performues dhe drejtues i ceremonisë hapëse. Performanca “Kafana and Tito’s Funeral”, e prezantuar në ambientet e Gropius Bau, u prit me interes të madh dhe reagime shumë pozitive nga publiku ndërkombëtar.
Ky bashkëpunim konsiderohet një hap i rëndësishëm për afirmimin e artistëve shqiptarë në skenën globale, duke i vendosur ata përkrah emrave më të njohur të artit bashkëkohor.
Ngjarja dëshmon rritjen e vazhdueshme të ndikimit dhe profesionalizmit të artit shqiptar në arenën ndërkombëtare.