Një ngjarje tragjike ka prekur komunitetin shqiptar në Gjermani dhe Kosovë, pasi një 20-vjeçare nga fshati Damanek i Malishevës ka humbur jetën si pasojë e një aksidenti trafiku.
Sipas informacioneve të publikuara nga mediat dhe bazuar në të dhënat e autoriteteve gjermane, viktima është identifikuar me inicialet R.K. Deri më tani nuk janë bërë publike detaje zyrtare mbi rrethanat në të cilat ndodhi aksidenti.
Lajmi për ndarjen e saj nga jeta është konfirmuar edhe përmes një njoftimi mortor të publikuar në rrjetet sociale nga përfaqësues të fshatit Damanek, ku familjes së të ndjerës i janë shprehur ngushëllime për humbjen e rëndë.
Familjarët kanë bërë të ditur se informacionet lidhur me ceremoninë e varrimit do të publikohen në një njoftim të veçantë.
Ndërkohë, autoritetet gjermane vijojnë hetimet për të zbardhur shkaqet dhe rrethanat e plota të aksidentit, ndërsa pritet që në ditët në vijim të publikohen më shumë detaje zyrtare mbi ngjarjen.