Në Ditën e Pavarësisë së Kosovë, më 17 shkurt, pianisti Azem Haziri realizoi një performancë artistike në qendër të Mynih, në kujtim të 1.432 fëmijëve të vrarë gjatë luftës në Kosovë.
Përmes një proteste paqësore dhe simbolike, Haziri interpretoi këngën “Mos ua vrisni lumturinë”, duke tërhequr vëmendjen dhe kureshtjen e kalimtarëve të shumtë në një nga sheshet kryesore të qytetit.
Gjatë performancës, ai mbante pranë librin “Fëmijët shqiptarë në Kosovë – viktima të gjenocidit shtetëror të Serbisë 1981–1999”, si dhe ishte veshur me një bluzë me fotografinë e Leutrim Ahmetit, fëmijës shtatëvjeçar të vrarë gjatë luftës në Kosovë.
Kjo ndërhyrje artistike synoi të rikujtojë opinionin publik ndërkombëtar për tragjedinë e fëmijëve të vrarë dhe për nevojën e kujtesës kolektive, drejtësisë dhe mos-harresës.
