Në Düsseldorf, në ambientet e Klubin Ekonomik të Dyseldorfit, u organizua një darkë e veçantë për anëtarët Premium të Unionit të Bizneseve Shqiptaro-Gjermane (UB)(UB).
Aktiviteti, i organizuar nga bordi i Unionit, mblodhi drejtues dhe përfaqësues të bizneseve shqiptaro-gjermane, si dhe mysafirë të nderit nga fusha akademike dhe financiare. Ndër personalitetet e pranishme ishin presidentja e Akademisë së Shkencave dhe Arteve të Republikës së Kosovës (ASHAK),, Justina Shiroka-Pula, anëtari i kësaj akademie Besnik Krasniqi, si dhe drejtori ekzekutiv i Departamentit të Thesarit në NRW.BANK, Besnik Berisha.
Gjatë mbrëmjes u theksua rëndësia e bashkëpunimit ekonomik dhe rrjetëzimit ndërmjet bizneseve shqiptare dhe gjermane. Po ashtu u vlerësua puna dhe angazhimi i bordit të Unionit, të udhëhequr nga Nazmi Viqa, për zhvillimin dhe fuqizimin e komunitetit të biznesit shqiptaro-gjerman ndër vite.
