Një situatë e rëndë sigurie është raportuar sot në Regensburg, ku një person i armatosur ka marrë peng disa persona brenda një filiali bankar.
Sipas raportimeve fillestare nga mediat gjermane, autori ka hyrë në bankë dhe ka mbajtur të bllokuar disa persona për një periudhë të caktuar kohe. Gjatë incidentit, të paktën një person ka mbetur i plagosur rëndë.
Policia ka reaguar menjëherë duke rrethuar zonën dhe duke nisur një operacion të madh për menaxhimin e situatës. Forca të shumta të sigurisë, përfshirë njësitë speciale, janë vendosur në vendngjarje.
Autoritetet nuk kanë dhënë ende detaje të plota mbi motivet e autorit apo numrin e saktë të pengjeve. Situata ka qenë për disa orë shumë e tensionuar, ndërsa policia ka bërë thirrje për shmangie të zonës.
Ngjarja ka shkaktuar shqetësim të madh në opinionin publik, ndërsa priten zhvillime të mëtejshme dhe informacione zyrtare në orët në vijim. /tz
