Hidhet shorti për zgjedhjet e 7 qershorit, caktohen numrat e subjekteve politike

Komisioni Qendror i Zgjedhjeve ka hedhur shortin për renditjen e subjekteve politike që do të garojnë në zgjedhjet e 7 qershorit, duke përcaktuar numrat përkatës me të cilët partitë do të paraqiten në fletëvotim.
Pas shortit, përfaqësues të partive politike e kanë cilësuar numrin e tyre si të favorshëm, duke shprehur besimin për rezultat pozitiv në këto zgjedhje. Megjithatë, vendimi përfundimtar mbetet në dorën e qytetarëve, të cilët do të votojnë më 7 qershor.
Sipas renditjes së përcaktuar nga shorti:
Lidhja Demokratike e Kosovës (LDK) do të garojë me numrin 113
Lëvizja Vetëvendosje (LVV) me partnerë do të garojë me numrin 116
Partia Demokratike e Kosovës (PDK) do të garojë me numrin 125
Aleanca për Ardhmërinë e Kosovës (AAK) do të garojë me numrin 128
Partia Socialdemokrate (PSD) do të garojë me numrin 129
Në këto zgjedhje, partitë kryesore kanë nominuar kandidatët e tyre për postin e kryeministrit:
LVV – Albin Kurti
PDK – Bedri Hamza
LDK – Lumir Abdixhiku
AAK – Ardian Gjini
Zgjedhjet do të mbahen më 7 qershor, ndërsa votimi i diasporës do të zhvillohet më herët, në varësi të mënyrës së votimit, qoftë përmes postës apo në përfaqësitë diplomatike. Detaje shtesë lidhur me procesin e votimit për diasporën pritet të bëhen publike në vijim./kudoshqip.com/