Ambasadori i Republikës së Kosovës në Sofje, Haxhi Bajraktari, mori pjesë në takimin e grupit të ambasadorëve bullgarishtfolës me Presidenten e Republikës së Bullgarisë, Iliana Yotova.
Takimi u mbajt në rezidencën e Ambasadores së Austrisë dhe u fokusua në zhvillimet aktuale politike në Bullgari, proceset evropiane, sigurinë rajonale, si dhe sfidat me të cilat përballet diplomacia moderne.
Gjatë diskutimeve, Ambasadori Bajraktari shprehu mirënjohjen e tij ndaj Presidentes Yotova për pritjen dhe bisedën e hapur, duke vlerësuar njëkohësisht mbështetjen e vazhdueshme që Bullgaria i jep Republika e Kosovës, si në marrëdhëniet dypalëshe ashtu edhe në proceset euro-integruese.
Ambasadorët pjesëmarrës vlerësuan se takime të tilla shërbejnë si platformë e rëndësishme për shkëmbim të drejtpërdrejtë të mendimeve dhe për thellimin e mirëkuptimit mbi zhvillimet politike dhe diplomatike në vendin pritës./kudoshqip.com