Presidentja e Kosovës, Vjosa Osmani, ka bërë të ditur se ka proceduar në Kuvend amendamentet kushtetuese që parashohin zgjedhjen e presidentit drejtpërdrejt nga qytetarët. Sipas saj, ky hap vjen si reagim ndaj dështimeve të përsëritura të deputetëve për të zgjedhur kreun e shtetit në parlament.
Ajo theksoi se amendamentet nuk janë të reja, pasi janë hartuar që në vitin 2011 nga Komisioni për amendamentimin e Kushtetutës, dhe tani janë dorëzuar për shqyrtim në Kuvendi i Kosovës.
Osmani u bëri thirrje të gjitha partive politike që t’i mbështesin këto ndryshime kushtetuese, duke theksuar se zgjedhja direkte e presidentit do t’i japë qytetarëve mundësinë të vendosin vetë për kreun e shtetit.
Nisma vjen në një moment të ndjeshëm politik, në prag të afateve për zgjedhjen e presidentit të ri. Për miratimin e amendamenteve kërkohet shumicë e cilësuar në Kuvend, përfshirë edhe votat e deputetëve nga komunitetet joshumicë.
